童愛玲等囝囝點頭追多個
女星童愛玲（Eileen）近年鮮有在幕前露面，為了照顧好三口之家，甘願每天六點半起床忙足整天，然而這天七歲兒子Kyle舉起相機爬高爬低為媽媽拍靚相，足已令Eileen笑得一臉滿足。
婚後的童愛玲（Eileen）向來重視家庭，當她和丈夫王敦民的獨生子Kyle日漸長大，照顧兒子更成了她每天的重任，Eileen直言：「我依家每朝六點半就要起身，陪個仔食早餐，然後車佢返學，每晚我哋九點幾就瞓，生活過得好定時。」Eileen笑說生活看似平淡但卻是外人不能明白的忙碌，她說：「Kyle好多興趣，可能讀國際學校嘅關係，比較有自己嘅思想鍾意學嘢，依家佢除咗返學，仲學緊鋼琴、籃球、足球、游水、畫畫，幫佢安排課外活動仲忙過以前經理人幫我安排工作。」
瞓身做攝影師
活潑的Kyle現年七歲，這天跟媽媽踏足攝影學校，在外籍導師指導下，掛上一部專業相機，馬上似模似樣地扮起攝影師為媽媽影靚相，為求有最靚角度不惜瞓身落地，逗得Eileen笑得一臉滿足。
樂於享家庭樂
Eileen坦言丈夫每星期有數天要出門公幹，待有假期一家人便會共享家庭樂，稍後的聖誕節便會齊齊去北海道，問到會否生多一個小朋友，Eileen說：「我想架！不過仲要經仔仔同意先得，佢已經大個，一家人要多啲溝通。」
採訪：潘琳
攝影：謝國華
場地：Venture Studio