Fiona影壇新貴變肥豬仔

Fiona剛在內地拍完電視劇《畫皮》，又被片商睇中，據知她正細心挑選兩、三個劇本：「已經落實會接一部先，但唔可以透露住。」因為電影工作，她的唱片已再三延遲，成年沒有出過唱片：「本來計劃咗明年初推出，但後來改咗四月，依家要再延至六月。」

添新裝扮靚

成為影壇新貴，Fiona完全沒想過放棄唱歌：「唱片要慢工出細貨，電影我都鍾意，有時睇到啲吸引嘅劇本，真係唔捨得唔接，加上片酬又吸引。」她直認每年收入遞增，她笑說：「今年又拍劇又拍廣告，都幾肥仔o架！」為了獎勵自己，最近她豪花五位數字添置了一批新衫：「好耐冇行街、扮靚，所以見到啲靚衫忍唔到手。」

dry爆恨拍拖

Fiona非常重視聖誕，入行第一年她親手畫畫送給公司每個同事，大家讚賞她夠心思，她說：「我鍾意聖誕，生日都未必送禮，但每年聖誕都會親自為家人、朋友、同事挑選合適嘅禮物。（會送禮物畀緋聞男友房祖名、郭品超？）今年未有時間去揀。」單身的她經常被朋友笑她dry，Fiona直言恨拍拖，但又怕事業愛情難兼顧，怕忙得沒有時間陪另一半，心情很矛盾，她說：「咁惟有暫時將感情寄託喺三隻貓仔身上啦！」

Hair：Kurt@Hairs Stage

Make up：Jessica Chan

場地：wtc

文：音樂組