練詠春生意外 DaDa咪咪留疤有賣點
昨日「百果園咪神」陳靜（DaDa）以密實打扮出席活動，她自揭右胸因練習詠春而撞瘀，工作至上的她揚言若大會要求，不介意人前露疤。
DaDa、崔建邦舊愛鄺敏慧（中巴）及洪天明前女友梁郁霖，昨日以聖誕女郎打扮出席黃埔新天地舉行的「聖誕奇藝巿集嘉年華」活動，三人冒走光之險示範空中絲帶舞，當中以低胸又露背露腰的中巴最性感，但因中巴上圍不夠撐，側身影相時露出裏面的打底衫。
坐巴士被摸大髀
DaDa稱已做足打底措施，故不怕走光，她自爆日前因練習詠春而撞瘀右邊胸口，幸好昨日不用穿低胸衫。問她接着的工作不能騷胸會否被減價？她開玩笑說：「半價得唔得呀﹗如果大會要我性感，有疤都要畀人睇，可能宣傳得勁啲呢！」她自稱今年十分黑仔，之前又病又跌落樓梯，她希望今年快些過去。
另外，DaDa透露學詠春主要為防狼，問到是否曾遇色狼？她稱小時候曾在巴士上被摸大腿，學詠春全因公司安排，並自誇：「我一個女仔都可以擊敗我師傅。（佢讓你？）我仲以為自己好勁添﹗」
中巴自嘲「冇嘢睇」
至於中巴坦言到場後才知道要穿甚麼，但已做足安全措施，她說：「佢冇叫我爬高爬低已經好好。如果真係要，我都會照做。」問到男友會否介意她衣着性感？中巴即時自嘲：「佢唔介意，都冇嘢睇，我應該同DaDa掉轉衫着。（佢着較有睇頭？）佢着會好多人圍住佢，我就爭咗啲。希望我第日個女唔使靚，身材勁就OK。」
採訪：名人組