陳嘉容聖誕恨桃花
臨近聖誕節，陳嘉容為了給朋友炮製驚喜，專程抽空到K11 Design Store商場逛街，挑選聖誕禮物。問及她的聖誕願望，坦言希望感情有着落，更不介意多桃花！言談之間表明了她對愛情的渴求。
日前模特兒陳嘉容（Eunis）以一身冬日打扮，到K11 Design Store逛街，先到illy cafe歎咖啡，接着走到Watson's Wine Cellar選購紅酒。向來不擅飲酒的Eunis，應該物色紅酒為朋友的聖誕禮物。她細心挑選不時拿起酒瓶參考其製作年份，更徵詢店員的意見。可惜，最終未能找到心頭好，空手而回。
fans任影唔嬲
童心未泯的Eunis又走到附近的精品店血拼！歡天喜地的選購精品，不消十分鐘便一臉滿足地拿着戰利品離開商店。正當她打算離開商場之際，看到商場內精緻的聖誕布置，於是停下腳步，拿出手機大玩自拍！過程中有不少fans認出她，上前要求合照，她亦來者不拒，令fans十分高興。
願望開心食大餐
後來記者問她當天是否為選購聖誕禮物給朋友？她大方承認，並謂：「每年聖誕都會整曲奇畀朋友，呢個係由中學開始嘅傳統，到依家都係。有時仲會買禮物。（你想要咩禮物？）想開開心心咁食一個大餐！做model食咩都要就住就住，如果可以唔使擔心肥瘦，連續食幾日就係最好嘅聖誕禮物啦。（聖誕做乜？）每年都會返屋企同家人食飯，之後會去朋友屋企開party。（聖誕願望？）希望身體健康、世界和平、少啲天災。私人方面希望感情有着落，桃花多啲都唔緊要，女人要有愛情滋潤先會靚。」
文：名人組