雷宇揚打的冇錢畀驚動警方

現年四十六歲的雷宇揚，曾在無綫電視任職藝員及擔任電台主持。昨日凌晨四時許，他在紅磡民兆街乘的士前往附近的海灣軒住所，抵埗後姓劉司機見雷宇揚「左摷右摷褲袋」仍未能繳付十八元車資，遂好心稱「冇錢算數喇！」該司機續稱他聞言即破口大罵：「X你老母呀，你話我冇錢畀呀！」

赴宴會曾經飲酒

雷宇揚於是要求司機駕車到附近銀行櫃員機提款，惜他身上無提款卡，司機建議他找朋友代付車資，但雷未有理會，並要求返回海灣軒，然而司機擔心對方同樣未能付款，故向雷表示：「你唔好玩喇，車你返去咪又係冇錢！」有人聽後大怒，再向司機爆粗狂罵：「X你老母呀，你又話我冇錢畀呀！」司機其後報警，有人得知驚動警方後不斷向司機辱罵十分鐘之久，直至警員到場調停才收口。

警方到場登記兩人資料後列作糾紛案處理，而雷宇揚與司機則達成妥協不作追究。記者到場時見雷宇揚滿身酒氣，他透露事發前在中環出席私人宴會，並曾經飲酒，當問他「係咪故意唔畀錢時」，雷宇揚一時答「係」，一時又表示身上「無錢」，期間雷向記者稱：「我答咗你咁多嘢，可唔可以車我一程！」記者拒絕之後，雷只好轉乘的士離去。

雷宇揚透露事發前在中環出席私人宴會，並曾經飲酒。

警方到場後分別向雷宇揚及司機問話，其後將案件列糾紛案處理。

自辯得一千蚊紙

記者昨日再致電雷宇揚時，他堅稱事件是一場誤會：「都唔係咁（醉酒鬧事），我身上得一張一千蚊紙，司機唔肯找錢，我話可以去7仔提錢，司機嫌麻煩，之後佢就話報警！（話你飲醉酒？）我冇飲酒，總之清者自清。」