再做老竇的郭晉安昨日受訪時稱太太歐倩怡現時懷孕三個月，預產期是明年七月，他計劃於五月停工陪伴太太待產。問安仔希望生仔還是生女？他說：「最好梗係湊成個好字啦。BB依家雖然只係得三個月但係都好重磅，似足哥哥。」
講到郭晉安的老友陳豪最近不情願下與廖碧兒甩拖？他說：「冇聯絡喎，不過有完先有開始，趁新一年有新開始。我哋除咗講公事冇乜講其他嘢，見佢都好開心呀，冇乜異樣。（介紹女仔畀陳豪認識？）呢個年代邊使介紹o架，緣分到自然有啦。」
