廖碧兒乍聞雙豪黑面離場
傳棄陳豪改投林忠豪懷抱的廖碧兒（Bernice），負面消息不絕，她昨晚受訪期間火藥味十足，最後更黑面離場。但半隻腳踏入豪門的她竟遭「搶閘」，亞視演員兼RoadShow女主持梁慧恩（Viann）率先宣布嫁入林家，與林忠豪堂弟訂婚！
Bernice昨出席公開活動時，被記者追問相關陳豪的問題時多次避而不答，又指稱：「要講嘅都喺收音機度講晒。（同林生做冬？）我要拍劇，通宵先收工。（陳豪喺你隔籬廠，冇碰面咩？）冇，不過我哋有聯絡嘅。」當問到為何日前不即場澄清陳豪非「金手指」時，她忽然變臉拂袖而去，令記者呆立當場。
拍拖半年收鑽戒
另一方面，Viann昨出席亞視宣傳活動，一臉幸福滿瀉，她透露上月已與林忠豪堂弟林忠澤訂婚。據悉，由於Viann於林忠豪兄弟開設的「滙能燈光」任環保工作，故與未婚夫結緣，兩人一拍即合，日前更「私定終生」：「拍咗半年拖，大家click得好好，佢仲幾個月前已計劃求婚，喺我生日畀咗驚喜我。（幾時搞婚禮？）應該係2012年春天。（好多卡鑽戒？）呢啲唔好講，我都收起冇戴，如果唔見咗我會嬲死自己囉！」
在公司冇見碧兒
Viann年前與被傳遭吳佩慈橫刀奪愛，如今相信已徹底走出陰霾，更表示明年會再修讀博士課程。當問到有否見過Bernice時，Viann小心回應：「喺公司冇見過，私事方面亦唔清楚。」而同場的鮑起靜則大讚Viann與于天龍話頭醒尾：「佢哋做得好好，希望公司開多啲劇畀佢哋有得發揮！」她又表示身在英國的囡囡乏人照顧，更因當地氣溫太冷，感冒打噴嚏而扭傷腰，令鮑姐十分心痛。
文：影視組