歌手方皓玟昨日到電台宣傳1月14日舉行的音樂會，她透露屆時會一邊講故事，一邊唱歌，她說：「今次唔會唱自己歌，全部都係唱其他歌手嘅歌。」提到早前屋企漏煤氣個多月仍懵然不知，她說：「我覺得我呢種唔係死於非命，係死於戇居，但係醫生一直都check唔到咩事，我淨係覺得返屋企好似抖唔到氣咁，好彩屋企冇人食煙，算係執番條命仔！」
