蔡穎恩拒結男網友唔做負心人
近日傳出有o靚模被網友騙色，身為o靚模之一的蔡穎恩（Evelyn）坦言感到恐怖，亦不相信「性交」可改變命運，她更表明不想做負心的女人，所以不會在網上結識異性。
蔡穎恩、陳嘉寶（Anjaylia）、何思諺、張震嶽、麥家瑜、方皓玟及關楚耀（Kelvin）等人前晚出席品牌派對，近日有報道指有o靚模在網上認識了一名男網友，被對方以金錢利誘與她發生性行為，Evelyn坦言有睇過報道，她說：「好不幸。（個女仔好蠢？）可能佢希望改運成名。」
「命運由雙手創造」
有指男網友出價要求與女生做愛四次，Evelyn說：「唔知，命運係用自己雙手創造，唔係由人改變，好恐怖。（迷信？）唔迷信，有時睇命理書當普通書咁睇，好就當強心針，唔好就盡量阻止佢發生。」她表示不想知道該o靚模身份，她說：「怕見到面尷尬。」
關楚耀冇女敢埋身
問到男友Mr.成員Tom有否叫她不要亂上網結交異性？她說：「個個都叫我唔好。（因為你哋感情穩定？）唔想做負心女人。」而Kelvin坦言患上重感冒，記者取笑他沒有女性攬住瞓而冷親，Kelvin說：「嘩！唔講呢啲。」接着一臉無奈說：「依家邊有女仔埋身？係女仔都怕啦，之前咁多新聞，加上我個底咁花。」
採訪：音樂組