黃日華昨午四時許在微博留言，表示前晚發生恐怖流血事件，在醫院度過一夜，早上又要匆匆趕到內地工作，所以非常疲倦。留言引起網友高度關注，並紛紛留言問候。
記者致電華哥，他叫大家放心說：「唔係我有事，係我最近領養嘅大狗Boomer，之前帶佢去做絕育同切除腫瘤手術，點知返到屋企，麻醉藥一過佢條頸同其他位置都不停流血，我用手按住止血，搞到周身都係血。」後來華哥與助手夾手夾腳送Boomer去睇獸醫，並留院做手術，陪足愛犬成晚，昨早即飛成都的他自然攰爆！抵埗後華哥與張兆輝食飯醫肚，然後齊齊開騷演出，他還上微博向粉絲交代事件。