時間錦囊：鍾舒漫至愛粉紅bra

鍾舒漫（Sherman）嗜好多多，不但喜歡畫畫，更寫過書，原來她也像藝術家一樣，每一件自己有份創作的東西均視為至寶，對朋友的心意就更加珍惜！

呢個胸圍係我入行第一年生日，江若琳送嘅生日禮物，因為太鍾意個胸圍所以一直都唔捨得戴。呢個胸圍代表咗我哋之間體貼嘅感情。

我自小偶像就係Christina Aquilera，剛入行嘅時候，我一位朋友喺美國Christina嘅show度幫手，當時佢帶埋隻CD過去，請Christina為我寫上鼓勵字句，到依家我都當佢係無價寶。

從來都冇諗過公司會為我哋出福音專輯，不過今日變成事實，我覺得真係神迹，裏面每一首歌都唔淨只讚美神，而係蘊含咗我哋每一個人嘅故事，好有紀念價值。

真係好難相信今時今日可以有機會出到書，可以加插一啲自己嘅畫入去畀讀者睇，將來仲可以留畀仔女睇，好有意義。

呢本紀念冊總共由全班34個人一齊建立，記錄咗我小學時期嘅回憶，其中有幾個同學仲有聯絡，好難得。