Jocelyn登額菲爾士峰
聖誕節是一個普天同慶的大日子，這個節日總讓人留下不少美好回憶，而聖誕節快將來臨，出席「CERRUTI 1881」藝術晚宴及「MCM」新店開幕的名人明星嘉賓各自分享聖誕最難忘回憶，亦開始絞盡腦汁安排過一個完美聖誕！
MCM開幕
名模Jocelyn：「會同老公Anthony返夏威夷，同我屋企人一齊過，之後會去尼泊爾探助學嘅40個小朋友，拎籌到嘅三大箱玩具過去！仲會登上海拔5400米嘅額菲爾士峰基地營。」
名模琦琦：「一家大細會去東南亞旅行，但唔會揀韓國同泰國，會揀一啲安全同開心嘅地方，唔想度假變咗去防空洞。」
日模松岡李那：「今年第一次喺香港過聖誕，日本嘅聖誕好似情人節，所以好期待喺香港同一大班朋友食聖誕大餐，不過我都係喺工作中度過。」
日模小水彩：「好想喺香港悠閒咁過第一個聖誕節，但我要開工，不過同fans過都好開心，又可以同工作人員一齊食飯慶祝，搵個香港男朋友都好喎！」
CERRUTI 1881藝術晚宴
馮詠儀：「我最鍾意聖誕節，可以同屋企人共聚。細個時爹哋媽咪唔准我哋聖誕節前拆禮物，我會喺平安夜偷偷地拆禮物，睇完後再放喺原位。」
周譚慧菁：「聖誕節係屬於小朋友嘅節日，每年呢個時候都會忙於揀禮物。」
小提琴家呂思清：「有一年聖誕剛結束南美的音樂會，本要趕去歐洲演出，我臨時改變主意飛回紐約同屋企人過節，大家坐在火爐邊，現在回想起來也覺溫馨。」
劉清儀（譚家和太太）：「我覺得最難忘嘅聖誕係我生兒子嗰年，聖誕節期間我仲要坐月，男家屋企人專程喺美國嚟，我幫兒子扮成聖誕BB，全家都熱鬧又開心。」
