陳美詩善有善報唔使遲到
謝雪心、陳美詩、梁靖琪及敖嘉年等昨日探訪老人家，令到長者喜出望外。一心為慈善出力的陳美詩自爆出席活動前遇上車禍，但好彩善有善報，剛好梁靖琪駕車經過載她，不用遲到。
謝雪心、梁靖琪、陳美詩、馬賽、敖嘉年及呂珊結伴出席東方日報慈善基金、太陽報愛心基金與保良局合辦之「關懷長者心 」地區安老服務計劃開幕儀式。
各人兵分幾隊到長者家庭探訪，陳美詩自爆趕往活動途中遇車禍，所乘的保母車被撞，幸好有驚無險。她說：「好彩我遇貴人，梁靖琪咁啱跟喺我車後面，見我撞咗車即刻救我，車咗我走先。」梁靖琪笑說：「我覺得我今日好叻，救咗陳美詩之餘，行行吓見到敖嘉年唔識路，跟住叫佢跟住我尾。」
心姐：人人有飽飯食
同場的心姐期間突然「喜姐」上身，向長者保證人人有飽飯食，贏得全場掌聲。她坦言自己亦到了要保養的年紀，她說：「年紀大咗病會好辛苦，依家覺得休息好重要。（會唔會減少工作？）咁又唔會，工作令人生有意義，可以爭取休息時間，減少冇必要嘅應酬，但唔包括工作同做善事喎！」
台慶熱門候選人之一的敖嘉年坦言心情緊張，但對獎項抱平常心。提到勁敵麥長青氣勢勁，敖嘉年說：「邊個攞都冇乜所謂，大家同公司同事，仲要同一部劇集，最緊要部劇口碑好。」
文：影視組