陳倩揚出嫁流一公升眼淚

陳倩揚昨午與新郎哥到尖沙咀洲際酒店進行註冊儀式，姊妹高海寧、周家蔚及龔嘉欣等以紫紅系列裙撐場，無綫總經理陳志雲遲了半小時才到埗。

完成儀式後，身穿白色婚紗的倩揚與新郎哥翹手出場，並應記者要求恩愛咀嘴，倩揚透露身上的婚紗達6位數，300多萬的首飾由珠寶公司贊助，晚上則筵開15席，主要宴請長輩及朋友。

「不嬲不設防」

提到早上的搶新娘環節，她表示丈夫給她很大驚喜，令她流出「一公升眼淚」：「佢搵咗鄭伊健、馬德鐘同少爺占拍咗段片，好驚喜！估唔到偶像都會祝福我！又見到好close嘅朋友，搞到我喊晒！（婚後不設防？）不嬲都不設防o架啦！（度蜜月？）要出年先，想去馬爾代夫同北海道。」問到為何同屆港姐冠軍張舒雅沒有到賀，倩揚說：「我請咗佢，但佢要去澳門開工。」

至於身穿低胸裝的姊妹高海寧大晒3吋事業線，她表示冇心搶「峰」頭，晚裝是由倩揚安排，問到開門利是多少？她說：「唔知！但好厚o架！（恨嫁？）都有憧憬！相信下一個係家蔚先，唔同佢爭花球。」但事後高海寧自打嘴巴，從一眾姊姊團中成功搶得花球，並風騷地說：「個個女仔都想要o架喇！希望第時嫁得好！」

高海寧搶得花球心情興奮，與新娘子咀嘴。

高海寧

文：影視組