吳浩康死撐：嗌分手冇錯
英皇集團主席楊受成博士昨日率領旗下歌手出席「英皇慈善童樂陸運會」，陣容鼎盛，英皇一哥古巨基因腰患未能落場顯身手；與女友莊思敏和好如初的吳浩康則力撐自己冇做錯。
一年一度的「英皇慈善童樂陸運會2010」昨日假灣仔運動場舉行，由楊受成主持揭幕禮，並聯同古巨基頒贈一張88,800元支票予「智樂兒童遊樂協會」。陳偉霆（William）、鍾舒漫（Sherman）、泳兒、吳浩康（Deep）、洪卓立、詩雅及新人李進羿等參與競賽，分別與小朋友玩接力跑，最後由William奪冠，跌倒擦損手腳的詩雅得亞軍，季軍是李進羿。
否認莊思敏不忠
Deep日前在微博突然公開向拍拖多年女友莊思敏提出分手，他說：「依家冇事，多謝關心，係小誤會，過咗唔好提喇。（醋意大發？）唔可以咁講，係言語上誤會。」他承認與女友「吵大鑊」，但溝通後已經和好。問女友是否已原諒他？Deep說：「講分手唔代表我錯，可能係我原諒佢呢！（女友不忠？）冇咁嚴重。（捨得分手？）如果係我所諗都應該咁處理。」
自嘲欠缺運動細胞的基仔表示：「今日好似返番校園生活，今日有腰患所以嚟感受吓氣氛，讀書時只會負責場地布置。」問到會否效法林峯接拍電視劇兼角逐視帝？他自爆欠下無綫兩套電視劇債：「有拖冇欠啦，都欠咗十年八載，如果有需要我都會拍，欠人嘢要還。（人工唔同？）我唔會加。」
鍾舒漫遇露體狂
Sherman自言是運動健將，曾在更衣室外遇上露體狂：「換完衫出嚟，見到個露體狂抓住啲鐵絲網，當時仲以為發夢唔識畀反應。（有陰影？）冇，不過嚇親。」而William早前送了一部單車給女友蔡卓妍作生日禮物，問到有否試過拍拖踩單車？他說：「冇時間，如果踩都喺單車徑踩，公路好危險。」他表示不會相約女友做運動：「練氣做運動一個人做。」
文：音樂組