陳柏宇堅守信念捱出頭
在樂壇默默耕耘的陳柏宇（Jason），一直抱住堅持的原則，他勉勵青年一輩做人不應輕易放棄，只要堅守信念，就可發揮戰鬥精神。
Jason最近推出全新專輯《Put On》，獲本地時裝品牌LIFE力邀為慈善出力合作出衫，雖然他對時裝潮流挺留意，但暫未想過推出自家品牌，他說：「暫時興趣不大，因為真係好忙，覺得未係時候，但知道係為慈善循環再用計劃宣傳梗係答應，一口氣設計咗五款衫同一款帽。」身為四大唱片公司旗下的Jason，少了無綫的宣傳平台，他把握每個宣傳機會，笑指今次設計Tee與新碟《Put On》有相近意思，他笑說：「put on即係穿上嘅意思，同我嘅大碟都算有關。」
簡單就是美
Jason認為簡單就是美，他表示這次設計概念以NAVY（海軍）為主題，因為軍人精神代表堅持信念不放棄，他說：「依家好多年輕人，成日被身邊嘅朋輩影響咗，所以我希望藉住呢次活動去宣揚呢個信念。」Jason表示入行至今，他都抱住堅持的態度：「做人唔應該咁輕易放棄，我相信只要堅守到信念、原則，好多問題都可以迎刃而解。」
文：音樂組 攝：劉智源