導師熱情教拳 (2)何婭：想離佢遠啲

十七位候選亞洲小姐昨日以一身輕便性感的運動服學泰拳，(7)娜塔妮亞‧卡娜絲娃因病缺席。期間導師Samuel表現甚為熱情，在教拳時對於表現騰雞的佳麗亦有「落手落腳」指正，之後他與佳麗們搭肩拍照時，其熱情行為更引來在場人士嘩然，亦令Samuel一度尷尬縮手。

冇講明唔准搭膊

對於Samuel的熱心指導，佳麗感受各有不同，其中在合照時長時間被Samuel搭膊頭的(16)何婭萌力撐導師紳士：「其實他事前已經用眼神徵求我們同意，就像學生與老師的默契！」而(2)何婭與Samuel合照時疑似撥開導師搭在其肩上的手，她表示此舉為維護亞姐形象：「亞洲小姐被搭膊拍照好像不太好吧，（驚佢？）其實我想離佢遠一啲，可是他的手突然就搭上來，我也有點反應不及！」但她亦為導師護航：「我希望他的出發點是nice！」

Samuel對於自己的舉止令到部分佳麗不知所措，Samuel不禁反問：「唔係咁大鑊呀？誤會嚟啫！」他解釋於去年的亞姐訓練時，與佳麗搭膊合照亦冇事，他又澄清：「大會冇講明唔可以同啲佳麗有身體接觸喎，不過可能都係我疏忽咗。」而亞視發言人區展程表示暫未接到佳麗投訴，同時又承認因搏擊運動較多身體接觸而未有向有關人士作出指引。

(1)陳明月上台時盡顯其豪邁性格。	(1)陳明月	(15)劉曉智雖然姿勢實際同樣欠奉，不過甜美樣子及均勻身材卻甚為矚目。
眾佳麗接受泰拳搏擊訓練，欲顯動若脫兔一面。

權蕙洙自認天然

此外，(11)權蕙洙對於再次被問及整容稍為動怒，但亦隨即開玩笑表示自己本來就很漂亮：「我是百分百天然的，（整完會仲靚？）噢，我很滿意現在的自己！」自信十足的她雖帶腳傷上場，但仍毫不留力踢腿，精神可嘉！

文：影視組