對於羅君左（斌仔）的離世，無綫外事部副總監曾醒明表示：「公司感到好痛惜，因為斌仔自81年加入無綫至今，大家嘅感情都好深厚，而佢演嘅電視角色都深入民心，自從佢做完截肢手術後，公司都同佢續約，打算畀啲工作量較輕嘅工作佢，例如幕後配音等等。斌仔喺香港冇咩親人，而佢一班圈中好友都會協助佢辦理身後事，公司都會同佢班好友盡量配合。（特備節目？）節目部方面可能會有所安排，會喺東張西望或者娛樂台等有特輯。」
昨晚「TVB Channel」在微博公布羅君左病逝消息，一眾無綫藝人如曾華倩、李詩韻、樂瞳、龔嘉欣深表惋惜，望斌仔一路好走。曾與斌仔主持《歡樂今宵》的梁思浩說：「我TVB的同事！歡樂今宵，家庭中的一分子！君左一路好走，我們一班同事懷念你！」而早前曾在活動見過斌仔的陳偉霆大讚斌仔關心後輩：「你曾帶給香港人無限歡樂，我們永遠記住你！安息。」