劉嘉玲不設防拒人工受孕
劉嘉玲與梁朝偉結婚多年，一直被追問生小朋友問題，昨晚嘉玲出席手機活動，被問到會否效法李家傑人工受孕？她說：「我唔會考慮，我同老公已經有共識，共識就係有冇我哋都咁開心，但我都戥所有心想事成嘅人開心。」嘉玲直認現在不設防，隨時預備好生B。至於會否投訴偉仔太忙？她說：「從來都無，我哋重點唔係生唔生，我哋兩個人生活中仲有其他嘢。」而問到早前傳出嘉玲與內地富豪的親暱照，她即變臉說：「乜富豪？一直都無啲咁嘅事。（有冇影響你同偉仔？）不嬲都無事。」
再被問到Selina燒傷事件，嘉玲說：「自己諗番都好驚，以前拍戲都幾兒戲，始終中國人都無咁多呢啲保險，希望呢件事大家會有啲警覺。（有冇叫偉仔小心啲？）一定會，但佢拍打戲，皮外傷會有。（叫佢買重保險？）叫佢買好重保險，受益人寫我。」