周秀娜神奇胸貼頸
周秀娜在新片中變身性感殭屍，拍攝一場倒吊戲時，豐滿上圍不敵地心吸力導致變形，更有胸貼頸的感覺。倒吊足足幾小時後，她直言腦充血兼想嘔！
身材火辣的周秀娜（Chrissie）在新片《殭屍新戰士》中化身艷麗殭屍，聯同「千年殭屍」錢小豪及「殭屍獵人」蔣璐霞攜手對付「殭屍老祖」元華，除了大戰連場導致多次受傷外，其中一幕戲Chrissie更要倒吊五、六小時，難怪她表示比拍床戲更辛苦！
貨真價實冇加墊
該場戲講述Chrissie睡覺時將自己倒吊，身穿低胸戲服的她被倒吊後，32D上圍可謂呼之「肉」出，甚至出現變形情況！她說：「呢場戲好難忘，因為NG咗十幾次，搞到差啲腦充血，對眼都想爆炸，又頭暈作嘔，導演笑我冇乜運動細胞！」提到這場戲中令其逼爆上圍更突出，她即笑說：「因為有地心吸力，試戲時連個Bra都露晒出嚟，我覺得好似升咗Cup咁，有種個胸貼住條頸嘅感覺。（個胸都變晒形喎！）證明我係貨真價實囉！我冇加墊，因為再加嘢會好重。」而為安全着想，導演羅守耀在Chrissie背後多加一條威吔繩，但她仍要用盡全身力量保持平衡，故拍攝後不禁筋疲力盡。
免費公仔贈粉絲
此外，為配合電影宣傳，電影公司共花六位數字做了五套殭屍首辦公仔免費送給fans留念，導演羅守耀透露早前已率先將三款Figure公仔放上網，反應熱烈，當中以元華一款最受歡迎！而周秀娜將率領幾位「屍妹」A. Lin及DaDa Lo等現身旺角鬧市快閃造勢，派發限量版Figure。
文：影視組