廖祉甯黑面喊開心抓撈sell寸
亞姐港澳區最後六強誕生，被拍得露點照的(13)「Barbie姐」廖祉甯，雖落敗仍風騷抓撈，惟獨提起情史卻忽然落淚，眾評判同聲「指斥」其詞不達意，EQ甚至儀態仍有待改善。
昨日亞姐請來黎燕珊、羅霖、陳綺明等擔任評判，嚴選港澳賽區最後六強，結果(4)祁翼、(5)萬嘉麗、(6)李瑩瑩、(9)陳明月、(10)何婭及(12)閔蘭順利入圍，大熱「Barbie姐」廖祉甯則名落孫山，甫宣布賽果她即扁嘴、黑面及急步衝入後台。但事後接受訪問，她卻矢口否認不滿：「我不知幾開心，我黑面係經常嘅，因為心情可以喺兩秒間轉變。（咁好戲唔去做演員？）都有試過鏡，可能啲角色唔啱，如果能夠度身訂造就好嘞，希望有導演可以提攜吓小妹。」
笑言賽果公平
廖祉甯愈說愈興奮，直言希望亞視為自己開口才、寸嘴節目，又指自己為大家提供不少娛樂，叫記者欣賞她的「funny talk」。問她是否滿意賽果，她更笑答：「好公平，我太有信心，失敗係必然嘅，但失敗又係成功之母喎。」當提到有周刊拍得她做運動時的露點照時，她語出驚人說：「我係唔係好習慣戴bra，不過嗰日泳池都冇人。（唔見有記者咩？）我只可以話依家啲科技太發達嘞。（接受拍寫真？）呢一刻答你唔到，睇邊個導演囉，我最性感嘅你哋見唔到。」隨即得戚地指指自己腦袋，但當記者問到她是否打算結婚時，她忽然又淚如雨下，且拒絕透露自己所為何事，瞬間變臉令人嘖嘖稱奇！
評判指博上鏡
眾評判則異口同聲暗示「Barbie姐」無論在談吐、EQ 及品德方面仍有待改善，而羅霖被追問對方的「露點照」時更坦言：「我哋入圍，啲保母已經教定點防走光，況且佢做咗模特兒咁耐，呢個情況幾難出現，除非有人博上鏡啦。」黎燕珊亦表示廖祉甯經過一個月特訓後，操行改善仍教她失望。
文：影視組