崔建邦守行為闖禍醉駕斷正

崔建邦之前因涉毆打女友鄺敏慧引起軒然大波，最終獲撤銷控罪，准自簽五千元，不留案底兼守行為一年。此事雖告一段落，但昨日有讀者報料，指崔建邦駕車駛經將軍澳時，因「吹波波」酒精測試超標，據知當時他即被警方帶返警署「吹大機」，涉嫌醉駕被拘捕，下月要再返警署報到。

飯局曾喝啤酒

昨日記者致電崔建邦，他承認此事，並指因為當晚與一班幕後工作人員吃飯，大家很久沒見，故飯聚期間，大家開心地暢飲啤酒，他坦言吃完飯後，都坐了一段時間才駕車離開，並自稱當時一點醉意都沒有，自覺情況許可下才自行駕其mini cooper座駕返家。

崔建邦駛經圖中路段時，遇路障需作酒精測試。

崔建邦強調向來行為檢點，今次乃一時大意。 （資料圖片）

崔建邦憶述當時情形謂：「我哋喺尖沙咀食飯，之後我自己揸車返屋企，去到將軍澳隧道口時，畀警員路障抽車檢查，吹波波時指數輕微超標，有三十幾度。（當時有冇超速？）冇超速，我都唔係飲咗好多，只係飲咗啲啤酒，亦冇醉意，不過我都覺得今次自己唔啱，飲咗酒係絕對唔可以揸車，呢樣嘢冇得講，今次係一個懲罰，我應承以後都唔會。」

崔建邦事後坐警車到警署接受調查。

涉毆打中巴事件剛告平息，不料崔建邦又惹官非。

已向無綫備案

問他過往曾否飲酒駕車？他說：「冇，通常飲咗酒自己都會擺低架車唔揸，從未試過咁，以後都唔會。」問崔建邦會否擔心令形象再次受損？他認真的說：「我已經一路好檢點自己嘅生活，今次真係一時大意，亦感到好後悔，真係承諾以後都唔會。（有否同公司備案？）有，公司叫我如實將件事講出嚟，要知道今次係自己犯錯，最緊要係知錯，唔好再犯。」

文：影視組