宅男有性幻想 周秀娜：我控制唔到

一連四場的《爆響口之唔出得街》前晚圓滿結束，捧場嘉賓有黃偉文、張敬軒、李克勤、鄭伊健及連詩雅等。余迪偉前晚邀得性感女神周秀娜大講踩界話題，反串的迪偉不時搔首弄姿，又用腳夾住周秀娜，場面搞笑！對於成為男人心目中的女神，周秀娜直言覺得「好爽」，迪偉大膽問她喜歡用甚麼姿勢，周秀娜即謂：「你講邊方面先？我咩姿勢都OK嘅！」兩人即示範將腳放上頭！迪偉續說：「咁你點面對啲宅男對住你張相『曳曳』架？」她初時詐傻迴避問題，幾經追問後才說：「我唔知呀，我控制唔到！」

克勤夠「粗」

兩人又整蠱克勤要查他身份證，克勤反擊：「我聽講呢個騷好多粗口先嚟，因為啲人成日都用『粗』嚟形容我，我意思係粗獷個『粗』！」三人又大跳《舊歡如夢》的不文舞步。及後，鄒凱光邀得伊健上台，笑言要跟伊健鬥「射得遠」：「我係想同你鬥射羽毛球啫！」

周秀娜接受訪問時，大方表示不介意被問敏感話題：「都預咗玩。」

文：音樂組