從照片中所見，一對小情人無論去到哪裏都是頭貼頭依偎在一起，猶如連體嬰上身，甜蜜度爆燈！情到濃時更你一啖我一啖互咀，Hayes對於女友的香吻顯然非常受落，肉緊瞇起雙眼。
街頭擁吻
兩人更由室內煙韌到室外，在迷人的上海街頭夜色映照下，情不自禁相擁啜爆，更雙雙搞鬼地扮心形合照。與男友同遊上海，Mia不忘在微博晒幸福：「感覺到幸福圍繞在我身邊……現在的我很滿足耶！」
Mia亦對記者大方回應上海遊：「其實仲有其他朋友一齊去，去咗四日三夜，（攬到實晒恩愛？）可能上海浪漫得滯！（Hayes係真命天子？）未知，但係我哋依家關係好好，佢對我好好。」她又透露跟對方拍拖未夠一個月。
文：專案組