柏豪唔理家底追硬超雲

柏豪昨午化身黑衣人，到灣仔探班，面對記者追訪，他表現大方，透露緋聞新聞出街後，他已於網上聯絡超雲，彼此對新聞也不太在意。問到會否因為女方家勢而不敢放膽追求，柏豪坦言：「如果咋，如果我真係追佢，我唔會理其他嘢嘅。講真，我本身都有啲有錢朋友，唔通因為咁而唔同對方做朋友咩？」

微博憑歌傳情

問他最欣賞超雲的地方，柏豪說：「佢好人囉，佢兩姐妹都好有心支持我，不過今年我廿五歲，黃金時期梗係要搏命做嘢先。（超雲好多人追？）我都知！」

談到「未來外父」何鴻燊，柏豪笑說：「佢直情係我偶像啦，應該係全部男人嘅偶像。（羨慕對方乜嘢？）事業囉，佢好厲害，為人又風趣。」至於超雲則透過微博向柏豪「傳情」，更以許茹芸歌曲《好聽》歌詞作回應，寫下：「你說的話總那麼好聽，你愛不愛我不想確定，然後靜靜輕輕是再也不去理……」

語帶雙關寸DaDa

另外，柏豪早前與DaDa Lo合作拍劇，對方玩失蹤令台前幕後相當不滿，DaDa最終道歉，又擔心自己前途盡毀。柏豪昨表示接受對方道歉，卻語帶雙關謂：「唔係淨係我一個人嘅問題，當日製作單位嘅高層都好激動，如果佢擔心自己嘅前途，我諗要比其他人更加努力先得囉，因為佢做錯過嘢嘛。」

文﹕影視組