樂基兒眼中黎明永遠最fit

Gaile昨日應邀出席電台《味之天下》新節目宣傳活動，穿上圍裙的她即席與節目主持大展廚技，兩人拍檔炮製兩道名為「『燒』金窩大蜆」及「黃金雪沫鮮檸杯」小食，見Gaile揸鑊鏟手勢相當熟練，邊煮邊分享其下廚心得，有板有眼，十足大廚模樣。

焗羊架最耍家

喜愛下廚的Gaile認為從煮食中可窺探每個人的性格、耐性，她笑說：「我好享受煮嘢食。」黎明最愛她親自下廚烹調的焗羊架，平日兩口子在家中，Gaile都會入廚煮食，注重健康的Gaile，煮食也以少油、蔬菜為主，她說：「我哋唔係好揀擇，食嘢好簡單，最緊要係控制食嘢嘅分量。」

作為名模的Gaile身形弗爆，但聽到記者表示黎明胖了不少時，她笑說：「唔關我事，呢兩個月我經常唔喺香港，可能佢多咗出去食。不過佢最近好瘦喎！你哋幾時見過佢？佢呢排食得好清，你哋成日話佢肥，佢梗係去減，已經減咗十磅，（你有冇話佢肥？）冇，我從來唔會叫佢減。」

樂基兒與黎明愛得癡纏，看不到任何缺點。（資料圖片）

樂基兒與主持人邊下廚邊大談煮食心得。

暢談護膚心得

Gaile之後出席另一個活動，暢談護膚心得，她覺得男士可以不用護膚：「黎明唔算貪靚，佢皮膚係natural，佢鍾意游水，好似用鹽水幫佢護膚，（佢有冇幫你化過妝？）冇，我唔想做小丑，萬聖節或者可以扮吓。」

文：音樂組