樂基兒滑水傷手焗住戒酒

昨晚Gaile出席時裝品牌Bread n Butter於北京舉行的秋冬時裝騷，由品牌老闆娘羅可旋陪同坐在台下欣賞時裝騷，見Gaile右手前臂明顯腫了起來，她坦言老公黎明（Leon）非常緊張：「上個月滑水扭親手，原本以為好小事，Leon就不停叫我睇醫生，佢話唔take care會變風濕。」結果醫生診斷她患上網球手，需要暫停一切運動，她苦笑說：「暫時要戒酒、上網、ＳＭＳ和做運動，仲要定時去做物理治療。（粗重工夫老公做晒？）咁又唔使，我係左撇子，右手受傷影響唔大。」

整北京菜獲讚賞

Gaile又不忘大晒幸福，她說：「六年前與呢個品牌合作過，今次因為唔使行騷就唔使節食，可以盡情享受北京美食。（你識整北京菜嗎？）我識包水餃和整炸醬麵。（為Leon學整北京菜？）我鍾意食又鍾意整啫，北京菜講求季節性，我都知道Leon對食物文化嘅要求。（Leon有冇讚？）有時會讚，不過都試過唔好食！」Gaile大晒恩愛，以擊破與Leon鬧婚變傳聞。

黎明與樂基兒一向低調，難得手拖手出現人前。 （資料圖片）

羅可旋為自家品牌的北京騷親力親為。

Rain拍拖唔馬虎

而女星李彩華（Rain）擔任模特兒，穿上一襲如婚紗般的粉紅色長裙壓軸出場。Rain近日在內地忙拍新劇《回家的誘惑》，她說：「呢個劇好有發揮，其中一場要我喊足兩小時，連拍檔都被我嚇倒。」對於傳聞的教友新歡，Rain否認拍拖，她坦言不心急：「適當時候個天會跌一個真心人落嚟畀我，依家拍拖唔可以馬虎，要小心啲揀！」至於陳志雲被起訴，她表示對方與其前經理人兼好友趙小姐相熟，會託對方問候和替他祈禱。