區永權鄭文夠旺繁殖力強
有線娛樂新聞台喜事重重，主持人鄭文懷孕六個多月，區永權亦宣布太太懷孕五個月，即被同台主持黃芳雯和劉明軒取笑「繁殖力強」，希望早日沾兩人旺氣。
腹大便便的有線主持鄭文，原本與區永權、劉明軒及黃芳雯一齊主持節目《大娛堂》，隨着腹部日漸隆起，鄭文會暫別該節目，親手將咪牌交給幾位好拍檔。鄭文說：「依家六個幾月，預產期喺十二月，雖然唔係肥咗好多，仲會上鏡，但就主持其他只係見到上半身嘅節目，等生完個女睇吓修身修成點再考慮幾時歸隊。」
帶BB開會度橋
去年結婚的區永權亦報喜，太太懷孕五個月，經已證實腹中ＢＢ為男孩。他說：「太太嘔足咁多個月，食乜都嘔，做媽媽真係唔容易，第日都要教ＢＢ孝順媽咪多啲。」即將做父親的他坦言女性懷孕辛苦，做丈夫的應該爭取享有侍產假，於太太分娩後分擔工作。
兩位準父母喜氣洋洋，大家互送禮物給未出世的小朋友，並笑稱將來一齊帶ＢＢ來開會度橋，必定會更加熱鬧。仍未結婚的劉明軒和黃芳雯一臉羨慕地笑說：「我哋《大娛堂》日日困喺公司，繁殖力真係強勁，希望我哋兩個都沾吓佢哋嘅旺氣，所以成日都摸鄭文個肚。」
文：影視組