Jelly Girls面和心不和 To To怕Uny遲早蝕底
Jelly Girls的Uny（趙哲妤）被師姐雷凱欣賞識而最先彈出，但沒有引起其餘十位成員的妒忌，Uny說：「相處得好開心，好開心經理人公司畀咗個融洽嘅環境我哋，可以一齊分享感受同化妝心得，而我哋仲會傾心事。」To To（陶苑瑩）亦堅稱眾女沒有不和：「我哋冇嗌過交，就算有唔協調嘅事都會傾好佢。」
其實眾女「面和心不和」，Uny和To To互爆對方缺點，幫助對方改善。To To批Uny不懂表達己見：「佢好努力咁配合人哋，但唔識講自己意見，喺娛樂圈會蝕底咗。」而Uny則嫌To To過分追求完美：「佢覺得自己唔夠好，成日要做到最完美。」之後兩女識做地互笠高帽，Uny欣賞To To有清晰的方向及跳舞叻，To To大讚Uny有台灣第一美人林志玲的感覺：「佢有模特兒要嘅特質，而且個感覺同林志玲好似。」
