同邀Rosemary行騷 鄧達智截胡何國鉦棄權
兩位對Rosemary不離不棄的本地設計師鄧達智和何國鉦，原定星期四同時邀請Rosemary出席活動。鄧達智在星期四將會有珠寶在珠寶展上展出，邀得Rosemary擔任開幕嘉賓，他說：「活動會喺早上舉行，而Rosemary下星期二先可從美國嘅律師手上攞到封信，所以諗住星期四做完活動後，隨即開記者會，地點應該會喺會展或君悅酒店。」
至於一早揚言搵Rosemary行騷的何國鉦，他的時裝騷在晚上才舉行，被鄧達智搶了頭啖湯。至昨晚九時許何國鉦突然表示Rosemary行騷一事已擱置，他說：「我知佢呢幾日好多私事要處理，冇得fitting又未綵排，原本搵佢行壓軸，但唔想影響到佢私務，只好等下一次先合作。（鄧達智搵咗Rosemary你知唔知？）邊個搵都冇所謂，大家咁錫Rosemary，邊個搵佢行騷都咁開心。」
