陳豪見筍盤唔敢要寧益老友

陳豪昨與黃宗澤及曾跟鄭嘉穎傳緋聞的內地女模徐靖雯出席香水活動，提到這個被指在嘉穎家作客的女模，早就否認做介紹人的陳豪說：「件事之後都係第一次同佢（徐靖雯）同場，但冇尷尬，只係覺得好笑，（介紹畀自己？）我冇需要，（因為已經有（廖碧兒）？）哈哈……唔知你講乜！」

不愛做媒人

此外，陳豪日前與新加坡女模黃慧敏（Ase）拍攝新一輯信用卡廣告，問他會否介紹此女模予嘉穎認識時，陳豪笑言：「哈哈……可能佢哋已經識呢！（有好女仔都唔介紹？）唔會，我一向唔做媒人呢啲嘢……不過如果有人需要，為人哋終生幸福着想都會嘅！」

放大圖片	（右起）陳豪、黃宗澤和曾跟鄭嘉穎傳緋聞的內地女模徐靖雯出席香水活動。

談體味扮懵

陳豪又謂認為香水是便宜但感覺高貴的禮物，不過每個人都有獨特的體味，噴香水只是配合，故不宜噴得太多，他曾因Auntie噴了勁濃的香水，搞到他不停地咳，十分尷尬。問到其緋聞女友廖碧兒的香水味是清還是濃？陳豪即詐傻扮懵地說：「以我所知，唔係噴好多，（好聞嗎？）唔記得喇，要再合作先知。」

文：名人組