阿倫大壽獲贈同齡Mini
今日是譚詠麟（阿倫）六十歲大壽，近日他不停出席各大小生日派對，前晚又在香港馬場筵開二十多圍大宴親朋，一班圈中好友如許冠文、苗僑偉、王晶等都有到場，喝得醉醺醺的阿倫更錫了母親一啖，場面溫馨。
第九個生日派對
阿倫由演唱會完畢就開始長達個半月的慶祝生日活動，前晚他已搞了今年第九個派對，玩至約凌晨十二時許，喝得醉醺醺的他跟母親步出宴會場地見傳媒，他心情靚爆地道出生日願望：「每個人都好似我咁，永遠都咁開心，咁多朋友，為他人着想，總之就廿五歲啦！」其後他教母親擺出「OK」手勢讓傳媒拍照，原來母親已陪他出席了四、五個生日派對：「阿媽永遠係至高無上。（阿仔有冇送嘢畀你？）私人嘢唔講。（正日會點慶祝？）我聽日（昨日）就坐私人飛機飛走，唔使追我啦！」許冠文表示會夾份送紅酒櫃給阿倫，而契仔關楚耀玩到約十一時就離開。
一九五○年車款
另外，無綫高層何麗全於微博放了一張綁了蝴蝶結的Mini Cooper相，車牌是「Alan Tam」，原來是曾志偉送給校長的生日禮物，他本來想找1995年款，但找不到，於是就送了1950年款，因為阿倫於當年出世。昨日阿倫便在微博寫着：「曾志偉用盡心思在全世界找了幾個月，找到了一份很難忘的禮物。」據知溫拿四位隊友亦會送禮物給阿倫，但仍未有決定。
此外，有阿倫粉絲上載早前在九展搞粉絲聚會的照片，阿倫興奮地在台上唱歌，曾志偉、周麗淇等都有出席。
文：影視組