諸葛梓岐密實游水怕蝕底
諸葛梓岐（Marie）早前與媽咪行孖必暢遊新加坡，首次見到孔雀開屏，令她嘆為觀止。不過，由於保守的媽咪禁她着比堅尼，令Marie未能如孔雀般展示美麗。
早前Marie撇甩男友薛嘉麟，做乖乖女陪媽咪遊新加坡，每日吃喝玩樂尋開心，她說：「媽咪成日話我唔得閒陪佢，仲唔陪佢就唔要我喎，所以同佢去玩咗幾日，新加坡生活寧靜，又可以shopping，食物又好味，最鍾意食海南雞，我哋每日都係做Spa、shopping、游水。」
媽咪禁着比堅尼
不過，Marie的泳衣相卻用大毛巾冚到實，完全冇嘢睇，她說：「因為媽咪唔畀我着三點式，由細到大都係咁，佢話女仔唔可以着比堅尼，要影相就喺房，唔可以着出街。」所以Marie每次去泳池都是一件頭泳衣，一上水就用毛巾包住，以免被睇蝕。
今次新加坡之旅最開心是發現孔雀識飛，Marie說：「我哋住嗰間酒店有好多孔雀，好似孔雀王宮咁，有日見到好大隻鳥飛上屋頂，初時仲以為係神鳥，我一路跟住佢，當佢飛落嚟嘅時候，發現原來係孔雀，佢仲對住我開屏，啲人話孔雀見到靚嘢就開屏，我好開心，即刻用iPhone影咗佢。」
文：音樂組