陳靜減肥降Cup告別E神

昨日「百果園咪神」陳靜（DaDa）與同公司的「翻版大S」李莉琳（Liz）及師妹王梓如（Ayu）三位o靚模為香港仔中心商場舉行的「國際小巨星模仿大賽總決賽」擔任評判，三人變裝上陣，化身為盜墓者羅拉、林亞珍及歌手郭書瑤（瑤瑤），扮相維肖維妙。

拍攝月曆狠減十磅

DaDa以背心熱褲上陣扮羅拉，但上圍略嫌不夠看頭，她坦言想過裝假狗：「我本來諗住要墊啲嘢，但係唔記得咗帶。」向來擁有E神美譽的她自爆因減肥而令上圍降級，不再屬於E Cup一族：「因為公司要影月曆，所以勒令我減肥十磅，我已經成功減咗六磅，上圍跌咗半級。（唔再係E神﹖）我唔介意，我鍾意瘦，瘦啲靚啲，其實我以前身材都無咁勁，只係得D Cup，所以變番以前咁都無所謂。」雖然她聲稱不介意跌Cup，但就補充說若跌至D Cup以下則不能接受，她王祖藍上身說：「D Cup以下我接受唔到囉！咁我寧願肥少少。」

Liz爆翟威廉識做

另外，變身林亞珍的Liz是前晚香港先生的評判之一，她表示雖然對香港先生眼看手勿動，但現場氣氛良好。至於有指(10)翟威廉成為五料冠軍賽果不公，令到現場噓聲四起，她自言：「我都聽到噓聲，其實都知佢贏硬，因為我身邊好多人都投佢票，佢喺鏡頭後好識做，不時四圍同人打招呼。」

文：名人組