陳宛蔚老竇全包遊日台

「賓治妹」陳宛蔚（Calinda）早前跟屋企人去日本大阪和台灣旅行，每日由朝早八點玩到凌晨十二點，她笑言行到腳仔軟，她說：「因為妹妹喺英國放暑假返港，一家人決定去旅行開心吓，全程費用由Daddy包晒，仲畀埋錢我哋使，玩得好開心！每日陪Daddy、媽咪行名勝後，返到酒店都成十點，但我哋三姊妹嫌未夠喉，仲去附近嘅心齋橋同24小時激安店行街，每晚返到酒店都攰到郁唔到。」
Calinda（左）與兩個妹妹在日本參觀神社。
Calinda（左）與兩個妹妹在日本參觀神社。

去完日本，Calinda再到台灣品嘗美食，但只限於食齋，她解釋：「之前我唔小心咬崩咗隻牙，醫生話如果食消炎藥唔得就要種牙，我好怕痛，所以同觀世音菩薩許咗個承諾，如果冇發炎就食兩個月齋，點知真係冇事，所以喺台灣時睇住妹妹食，自己就忍口。」

Calinda喺日本由朝玩到晚，行到腳仔軟。
  • Calinda喺日本由朝玩到晚，行到腳仔軟。