高海寧鼓勵師妹眼光放遠
今屆港姐被惡意批評做「豬扒」，身為師姐的高海寧（高Ling）出言力撐，大讚三位師妹內外兼備。而她亦不擔心被後浪推前浪，自信十足地表示keep好靚樣和魔鬼身材才是最重要！
高Ling是08年的落選港姐，參選期間雖然是大熱門，惜負面新聞多多，最終五強不入。不過塞翁失馬焉知非福，加入無綫後，高Ling憑34D、24、34的魔鬼身材瞬即升呢做「咪神」，早前更被器重派往南非主持世界盃節目。她興奮地說：「真係一次好難忘嘅經歷，初時都擔心有思鄉病，但有機會去到南非睇世界盃呢項盛事，每日過得好充實，可能太開心，所以肥咗少少返嚟添。」
入行後keep住靚
今屆港姐被網友狠批成「豬扒港姐」，高Ling亦戥她們不值，她說：「我選嘅時候都係大熱門，但因為一輯露背相畀人話，搞到自己都好唔開心。其實每次選美都有一啲話題新聞，希望一班師妹唔好太在意，我同佢哋合作過，覺得佢哋個個都好靚、身材平均，語言能力又高，簡直係內外兼備。」
她寄語師妹們要放眼將來，她說：「做人要睇遠啲，入行後我每日都要keep靚自己，尤其我咁易肥，所以食嘢都要好有節制。」
醫學節目有得益
而高Ling最近忙於拍攝一個醫學節目，與林保怡、吳家樂一同合作，並有機會認識一些專業醫生。她說：「我平時好少夜生活，病痛亦較少；反而婆婆最近多咗老人病痛，家人都好擔心。幸而做咗呢個醫學節目，除咗學到不少醫學基本常識外，仲幫婆婆求助啲好醫生。」
文：專案組 攝：李柏儒
服裝及場地：JUICY COUTURE