吳浩康鍾舒漫男盜女娼有壓力
鍾舒漫（Sherman）與吳浩康（Deep）在英皇電影《綫人》中，前者演私鐘妹，後者飾悍匪，角色頗為敏感，猶幸試片後外界口碑不俗，總算不枉苦心。
Sherman坦言拍《綫人》時有壓力：「唔係怕同咁多好戲之人同台，而係怕我演技唔夠拖慢進度。開工第一場就拍喊戲，我睇咗好多喊戲培養情緒，最後靠幻想屋企人死嚟引出眼淚！好在最後都順利過關，霆鋒仲讚我，佢cool慣架嘛，畀佢讚完即刻令我增加信心。」
Deep的心理壓力不比Sherman少，他謂：「有場戲講我擸架生捅張家輝，我好欣賞佢做戲，真係捅唔落手，結果太細力NG咗十五次。家輝叫我即管捅，痛都係一take過，咁我咪一嘢捅落去，結果家輝話：『衰仔，真係畀你捅到有啲暈！』搞到我好唔好意思！」
服裝：izzue