A. Lin告別o靚模闖影壇
出道一年的o靚模A. Lin（裴殷）與DaDa（盧頌之），去年以「八模兵團」名義推出寫真集，反應不俗。今年兩女組成SugarBeez再度出擊，但接連在書展及動漫節受到「反o靚模潮」影響，A. Lin坦言萌生退意，希望轉型拍戲。
今年席捲書展及動漫節的「反o靚模潮」，外表文靜的A. Lin忍不住炮轟貿發局：「呢度又唔畀搞簽名會，嗰度又話唔歡迎，咁我喺我屋企樓下搞簽名會囉！唔係咁，可以點呀？（覺唔覺o靚模被歧視？）其實我都諗過，我哋做o靚模只係做埋今年，出年冇得玩啦！要諗辦法為自己轉型，我決定咗，想轉去拍戲。」
否認同性戀
問到是否有意明年不做o靚模，才「臨別秋波」與DaDa拍攝大膽親密寫真集？A. Lin說：「你覺得好les（女同性戀）？其實我同佢平時出嚟做嘢都係一齊沖涼、一齊換衫啦！好多女仔都係咁親密，唔通佢哋又係les？」
DaDa聞言亦力撐好姊妹說：「我同A. Lin係同一個group嘅，所以佢話喺屋企樓下搞簽名會，我又喺屋企樓下搞簽名會。佢要轉型，我都會轉型，一於奉陪到底。」
文：影視組
攝：沈健程
泳衣：Speedo、Arena