林寶玉視model為踏腳石
新一代Phone模林寶玉（Connie）昨日在美食博覽內推廣健康食品，還表示會自掏腰包買來孝敬爹哋，問她可會買畀男友？她說：「依家暫時冇男朋友，如果有都會買o架！」她透露稍後會忙於為九月推出的電子寫真宣傳，問到可有興趣拍戲，她說：「梗係想啦，做model都係踏腳石，希望喺圈中有多啲發展機會，以前都拍過電影，雖然只係啲小角色，但都係一個好嘅嘗試。」
問她最欣賞邊個model？她表示：「可能最近睇得寫真多，我最鍾意Jessica C.，喺電視睇佢做訪問時好熱情，我鍾意佢嘅性格。（視佢為目標？）會呀，不過佢喺我心目中係一個top model，要有佢咁嘅成績好難，所以都係當佢係偶像。」
