爆阿佘短訊祝賀 鄭嘉穎跳樓慶生辰
鄭嘉穎昨日41歲生日，不過卻要為新劇《居家兵團》拍攝一場跳樓戲，同劇演員廖碧兒、曹永廉，以及影迷分別送上蛋糕賀壽，好友兼拍檔阿廉則抵死地祝賀「年年有今天」嘉穎聞言不怒反笑謂︰「呢啲真係好朋友。」場面惹笑！
廖碧兒拒送吻
談到生日要拍攝跳樓戲，嘉穎笑言只是巧合，故監製亦未有給予利是，由於日前已與朋友們開派對慶祝，故正日只想與家人食飯度過，壽星仔笑言不介意生日要於工作中度過，但寄望不要年年拍攝跳樓戲。
問到生日願望是甚麼？嘉穎謂︰「少啲是非，多啲搵錢，阿姐都封咗利是畀我，希望自己身體健康，同埋叫我5年內唔好拍拖。（緋聞女友佘詩曼有咩表示？）佢傳咗個短訊畀我，咁我都好有禮貌覆番人嘅。」
而劇中飾演其女友的碧兒，表示未有吻賀壽星仔，更笑謂：「黐線，佢係我前輩，同埋呢啲嘢都唔係我做架啦！頭先咪同佢吹咗蠟燭囉！」
曹永廉心態變
至於在天台邊企圖跳樓的曹永廉，則透露驚到腳仔軟，他謂：「本來兩條威吔，後來因為要就鏡頭變為一條，企上去嗰刻真係驚，因為自從有小朋友之後，心態唔同咗，驚有意外見唔到屋企人。」
文：影視組