今次Gag神要考大家考到出外太空，皆因條問題係關於喺我哋住緊呢個地球個鄰居，到底「咩時候看到的月亮最大呢？」
新進三人男女子組合小龍鳳好齊心合力解拆問題，陳浩然（Tommy）先說：「係咪睜大眼睇嘅時候呀？」羅澤鈞（Anson）就唸唸有詞說：「最大嘅時候……咁一定係月圓啦，嗯……直望個月亮嘅時候？（近喇，咩時候先可以直望到呀？）抬起頭？（都係斜望啫！）瞓喺地？」關鍵時候，女將李明蔚（Sarena）終於發言：「我知！係上月球嗰陣可以直望到！」
幾經辛苦小龍鳳終於答中，唔知呢啲叫群策群力，定係三個臭皮匠勝過一個諸葛亮呢？
麥家瑜（Keeva）一聽到問爛Gag題就即刻精神晒，睜大對眼話：「好呀，我最鍾意估嘢，快啲問啦！」Keeva聽完問題諗咗陣就答:「最大呀？就係趁十五嘅時候用相機影低佢，再放張相喺投射機度睇，咁你想要幾大就有幾大啦！」呢個答案好科技化，不過都係差啲喎。
向來都非常風趣嘅男子組合Square成員Gary話答爛Gag題最緊要係過程，要答得有意思先係重要，咁樣幫自己打定底，又睇吓佢答得幾有意思先，Gary說：「嗯……正所謂床前明月光，疑是地上霜，舉頭望明月，低頭思故鄉，要睇到最大嘅月亮當然要喺『床前』同『舉頭』啦！」連李白都出動埋，真係佩服，可惜唔啱。
答案：登上月球的時候