呂慧儀拍住嘟姐甘願捱罵
呂慧儀及林保怡昨為無綫「為食台」宣傳，即將為「香港先生選舉」任司儀的呂慧儀，對於早前有指該節目在電視城舉行，只招待女嘉賓及女評判涉歧視，呂慧儀說：「其實已經有兩個商場騷畀男士進場o架喇！」呂慧儀將跟鄭裕玲（嘟姐）合作做司儀，問她可擔心會被對方責罵？她表示：「鬧都係好事，嚴師出高徒吖嘛！不過嘟姐好好人嘅！（有冇問嘟姐攞做司儀嘅貼士？）有，我依家做司儀學徒，仲有好多嘢學！」
至於林保怡直言不大留意「香港先生」新聞，只是對伍詠薇印象深一點，他說：「伍姑娘令到個場好似全男班嗰啲俱樂部。（即係節目低俗？）唔係，只係一個追求收視同娛樂成分嘅節目囉！」
