鄧麗欣私家廁借小方開大

鄧麗欣（Stephy）最近忙於與緋聞男友方力申在內地拍劇，昨日為支持「兒童金口獎」，特地趕回港出席活動，她透露內地工作環境不俗，而且工作人員更為她製私家坐廁，她說：「佢哋知我用唔慣踎廁，（借畀小方用？）男仔去廁所方便，如果佢有需要，開大都可以借畀佢嘅。」談到她與小方寓工作於拍拖，Stephy說：「吓，我哋好忙冇得玩，但都多對手戲嘅，多時間聚埋一齊，但唔係剩係兩個人啦！」

此外，早前餅碎開騷被劣評，Stephy說：「冇睇報道，佢哋咁耐冇出嚟，唔好批評佢哋啦，知道場面都好感動。（你冇送花籃？）開騷前已經去咗內地，唔記得再提，都有傳番ＳＭＳ畀佢哋。」至於有指區文詩與她夾攻傅穎，Stephy對此表示感到無奈。