保護遺棄動物協會行政總監范韻清表示，若寵物主人自覺遇上不合理對待，可向負責監管獸醫操守的獸醫管理局求助：「佢哋可以查清楚究竟係咪如獸醫所講，定係醫療失當，進一步了解可能就要解剖，如果最後真係醫療失當，個獸醫最嚴重可能會被停牌。」
另外，黃國桐律師就從消費者角度解釋事件：「個獸醫咁嘅態度係絕對不能接受，（隻貓）死咗都要交代吓，呢個係最低嘅消費者要求！貓主可以向獸醫協會求助，首先可以告個獸醫違反操守，另外再調查隻貓嘅死因，真相一定要查明。」
