克勤抱不平自揭悲劇
跟不少紅星模特兒合作的著名時裝設計師Henry Lau（劉志華），近日帶愛貓Bebe往診所檢查，Bebe竟在一小時突然死亡，更未獲診所合理解釋。身為Henry親密戰友的李克勤大抱不平，更憶述多年前愛犬被誤診有孕，更在未經同意下開刀進行絕育手術，重提悲劇仍心有不忿！
Henry近日在facebook留言哀悼亡母生前至愛的貓Bebe逝世，不少圈中好友包括自《左麟右李》後一直緊密合作的親密戰友李克勤等，亦紛紛致電安慰。Henry表示Bebe近日胃口不佳，在朋友介紹下，於本月十一日到某間寵物診所接受Ｘ光檢查。
當時Henry多次要求陪着Bebe但遭拒絕，等了約個半小時，才被告知Bebe呼吸有困難，Henry聞言進入診療室，發現Bebe已奄奄一息及插了喉，最後醫生只說了：「死咗嘞！唔好意思！」
報警後獲見負責人
未獲合理交代的Henry即場報警，翌日更跟診所負責人會面，對方承認犯了三個錯誤，Henry說：「我覺得Bebe係被嚇死，係人為疏忽！個驗屍報告會交畀其他獸醫睇，再睇埋聽日（今天）個報告，先決定係咪採取法律行動。（要賠償？）想佢哋有悔意同埋有合理交代，唔好再有呢啲事發生。」
憶起幼犬慘痛手術
身為愛護動物協會大使的李克勤，在電話中為好友大抱不平：「只係照Ｘ光就冇咗？一個鐘就瓜咗？係咪好唔負責任？」他憶起十多年前買了一對只有數個月大的摩天使狗仔狗女﹕「佢哋好快搞埋咗，醫生check咗話真係有ＢＢ，仲話狗仔唔夠一歲生仔有危險，最好做流產手術，當時我惟有贊成。點知第二日醫生同我講，原來不嬲都冇ＢＢ，仲做埋結紮手術，真係好嬲！」同樣身為愛貓之人的胡杏兒，亦指此事不尋常，作為主人絕對有權知道事件始末，支持Henry追究到底！
Profile
Henry Lau（劉志華）乃本地著名時裝設計師，曾為梅艷芳和李克勤設計演唱會戰衣，亦曾為何韻詩設計舞台劇服飾，更推出時裝品牌SPY。早前，Henry分別獲邀擔任無綫《超級巨聲》及時裝世界精英大獎（FWTA）的評審，實力備受肯定。近年，Henry大舉進軍國際，先後隨貿發局到上海、悉尼、杜拜、東京和莫斯科等大城巿舉行時裝騷，與多位名模合作無間。
文：名人組