張家輝度啱位床戰索女
六料影帝張家輝，最近再與「伯樂」導演林超賢合作英皇電影《綫人》，飾演執法人員的家輝，於片中有幸與性感女演員有場激烈床上戲，難怪家輝忍不住笑指導演明「益」他。
與對手先溝通
家輝透露從影多年，印象中所謂的床上戲，大多只是搞笑居多，根本沒有激情可言，沒料今次如此「認真」！拍攝時家輝與女演員會有肌膚之親，兩人激咀之餘，性感女演員更騎在家輝身上有所動作，場面認真火辣辣。為免有尷尬情況發生，家輝事前先與對手溝通，他謂︰「我同佢講會摸到邊啲位置，確保大家都同意，我先敢拍，我覺得專業演員，既然決定演就要放盡去做，呢場戲都好順利，導演一take就收貨，不過老實講我真係無福消受，因為我都係鍾意演內心戲多啲。」
喜獲太太信任
談到場面如此激烈，會否擔心引起太太關詠荷不滿？家輝笑指太太多年來也對他有足夠信任，遇上這些情況，事前只需知會一聲便可，故非常感激太太。而林超賢亦大讚家輝演床戲演得很自然，他謂︰「有諗過家輝會唔會因為有屋企而拒絕拍呢場戲，但場戲對個故事發展好有幫助，好在佢即刻應承。」
另外，戲中女角苗圃有多場驚險場面，包括跳樓及被車撞倒等。
文︰影視組