DaDa覓男友吼廚神
o靚模陳靜（DaDa）憑「百果園咪神」響朵後，舊愛、變性及與o靚模不和等是非不絕於耳，但樂觀的她本着「『事業線』勁代表事業好」的精神，無懼被宅男狂(目及)，誓要發揮內在美。
DaDa人氣勁升，憑D Cup上圍成為宅男新寵，她亦從不吝嗇展示此優點：「我覺得『事業線』係我嘅優點，『事業線』勁，事業真係好啲！開頭係吸引人注意，咁知道咗我之後，再知道埋我嘅內在美。」不過她平日卻怕醜收起優點，因不想出街被人認到，她說：「唔想喺街度畀男仔用輕佻嘅眼神望我嘅身材，反而做嘢就預咗有人望，唔驚。」
被前度寵壞晒
目前DaDa專注工作，暫將愛情放埋一邊，曾獲前度男友王宗堯寵愛的她，憧憬另一半為她煮飯：「舊男友會為我煮英式早餐，縱慣晒，未來嘅男友一定要識煮飯，靚唔靚仔唔緊要，不過最好唔係圈中人，我驚緋聞。」她暗指不想像曾國祥的緋聞一樣，被鬧大至電影劇情般。
有拖拍會公開
不過DaDa與前度保持良好關係，不會令戀情「立立亂」，她承認雙方關係似兄妹：「好似知己咁乜都講，就算佢對女仔有好感都會同我傾。我同啲前度都保持好關係，感情嘢唔使咁絕，除非佢做咗好衰嘅嘢。」將來會否公開拍拖？DaDa猶豫了一會說：「一定公開！」後來又說會交由公司決定。
文：專案組
攝影：沈健程