娥姐派喜帖拒做高齡產婦
商天娥、李潤祺及高志森昨為舞台劇《石塘咀如花與大舊勝》宣傳，將於十月結婚的娥姐，即場向高志森、李潤祺派帖，娥姐還直言自己正處於「興奮期」，因完成該舞台劇演出後，便會積極籌備婚事，而婚宴亦已鐵定十月三日舉行，談到婚禮籌備進展？娥姐表示：「進展良好，我都瘦咗廿磅，之前去派帖，朋友都話我啱啱好，不過，婚宴布置因為用太多塑膠，好唔環保，所以改用其他材料，亦因為咁慳咗啲錢，諗住用啲錢嚟請樂隊助興，（會唔會獻唱呀？）今次同老公都走唔甩，要上台獻唱o架嘞。」
娥姐指婚宴會擺四十幾圍，但因十月內地黃金周，她擔心內地親友會很難來港飲宴，故完成演出後，會跟家人商量是否十月十日再返內地擺酒。
至於生育問題，娥姐與老公已決定不生BB，因不想當高齡產婦，或考慮領養小朋友。