梁詠琪：伊健仔女會好得意
昨日梁詠琪（GiGi）出席電台訪問，對於有指鄭伊健與蒙嘉慧盛傳結婚，GiGi亦戥舊愛高興：「佢結婚我最開心！（最開心？）戥人開心有乜問題呢？」問到在微博可有關注伊健？GiGi則言：「我唔答你，自己睇啦，（有冇私信？）我關注佢本人多過喺微博。」GiGi將來出嫁可會請伊健飲？GiGi謂：「將來事將來先算，希望佢快啲生BB，佢生應該幾得意。」
提到在微博關注人數被阿嬌（鍾欣桐）搶過第一位？GiGi表示只知大家都過一百萬人關注，沒有特別留意數字多少，有些人更透過私信成功找她工作，唯一不好處是不少fans留言會問她感情意見，她就似變了「乜乜夫人信箱」。而記者查閱微博，發現GiGi和伊健未有互相關注。另外，微博力量一向犀利，昨晚有雪橇犬尋找主人免被送到漁護署，出名愛狗的GiGi即時轉發短訊，引起不少藝人幫手轉發。