城城封舒淇性感女神
郭富城與舒淇於新作有感情線，昨晚兩人現身首映即角色上身，全程打情罵俏，面對拍檔舒淇性感上陣，城城分別以三次「靚晒」及「好鬼靚」形容，還封她為心目中首席性感女神，完全把緋聞女友熊黛林拋諸腦後，認真抵打！
城城、舒淇、張靜初、江若琳、吳京等昨晚現身電影《全城戒備》首映，身為女主角的舒淇以湖水藍Armani晚裝、內配bra top性感示人，輕易成為全場焦點，就連城城也忍不住連說三次「靚晒」及「好鬼靚」，這對繼十年後再次合作的舊拍檔，也不忘於台上打情罵俏，城城謂：「舒淇係我心目中性感女神首位，一直以來都係咁性感，唔止今日，識咗十幾年都咁索，咁靚。（你係咪目不斜視？）佢嘅心入面我已睇透，性感係自內心散發出嚟，（咁做咩今日唔一齊性感？）舒淇咁靚，咁我有手錶贊助，要優雅啲。」
性感撼o靚模
穿上bra top、外披西裝的舒淇，被問到事前是否要禁食？舒淇對此謂：「要食，有曱甴肚先至性感，唔可以凹入去。」對於近期鮮有性感，問到是否因同場有o靚模及原定答應出席的周秀娜出現，才有此打扮？舒淇則表示見不到她們，城城亦「搭嗲」笑指「一條『模』都冇」，舒淇再笑謂：「好在佢（周秀娜）冇嚟，如果唔係我輸晒。」被城城大讚謙虛，不愧為大明星，舒淇即席高呼很愛他。
歡迎搵上門
對於該片於內地票房不俗，問到若收一億會怎樣慶祝？舒淇笑指一億票房很普通，若然達五億票房會穿泳衣，還着城城借出健身房喼弗，城城欣然答應，還表示「咩Back都得！你隨時上嚟。（唔怕人嬲？）冇人嬲，邊有人嬲，舒淇唔嬲我就得。」
文：影視組